Wednesday, May 05, 2021

तुझे सरेना चांदणे

तुझी ओंजळ चाफ्याची, तुझे सोनसळी हसू,  
नको अशा सांजवेळी कुठे रस्त्यात दिसू !

तुझा हात हातामधे , असे जगणे घडते, 
मनातल्या वाटेवर तुझे पाऊल पडते !

दिस संपल्यावरही तुझी भूल इथे राही,  
घरभर दरवळती तुझे चाफा तुझी जुई !

राती रुंजी घालती तुझी छनक पैंजणे,  
चंद्र नभापलिकडे तुझे सरेना चांदणे ! 

डोळे काजळभरले कधी ठेव खांद्यावर , 
तुझ्या स्पर्शात मिळते माझ्या जन्माचे उत्तर !

 

No comments: